Pili Pampín – Grandes Exitos

Foi en 1991 cando María do Pilar Villar Rivas, nacida en Rivasar, Rois, un vinte e dous de marzo, gravou a súa primeira cinta casete”, acompañada pola orquestra Compostela, con produción e cancións de Manuel Muñiz. O recoñecido mestre foi o autor dos primeiros grandes éxitos de Ana Kiro. Logo lanzou á cantante Sabela. E, finalmente, apostou decididamente por Pili Pampín, que naquela primeira entrega interpretou temas como Un pasodobre galego e Galicia Mix. Meses despois, xa en 1992, apareceu o seu primeiro disco compacto con vinte cancións, entre elas Miña Galicia, Pandeirada mix e Xacobeo 93.

O terceiro levou por título Canto para ti; o cuarto, Galicia sempre? E con todos eles foi balizando de éxitos a súa carreira Pili Pampín, que elixiu como apelido artístico o nome polo que sempre foi coñecido o seu pai, durante anos dono do popular restaurante, o Pampín, que estaba na estrada de Padrón, onde agora atópase o famoso San Martiño, de Miguel González Aguiar.

Este é unha nova recopilación cos temas máis solicitados polos seus fans. Pili Pampín é considerada por moitos a sucesora de Ana Kiro.