Abe Rábade Trío – Unha vez

Formato CD

O último traballo do músico compostelán titúlase ‘Once’ e está formado por tantas cancións como indica o nome do disco. Salvo catro temas, entre os que están ‘Con alma’ de Dizzy Gillespie e ‘Smole gets in your eyes’ de Jerome Kern, o resto son temas propios, onde Rábade afonda nese jazz introspectivo, moi centroeuropeo, case minimalista, que caracteriza.
Neste disco Abe Rábade dedícalle unha canción á memoria e lembranza do gran Paco de Lucía, que leva por título ’11 para Paco’ (hai que lembrar aquí que en 1994 Jorge Pardo, Chano Domínguez, Javier Colina e Tino di Geraldo lanzaron un disco titulado ’10 de Paco’, con temas asinados polo mítico guitarrista gaditano), que é á vez a mellor canción do disco e unha das pezas máis sentidas sobre a desaparición de Paco de Lucía. Só por esta peza, a máis longa do CD, este disco merece a pena.
Con ‘Once’ o Trío Abe Rábade volve demostrar que segue a ser un dos grandes grupos de jazz español.
Xan Ez
Temas:
1.- A bruxa
2.- Tule
3.- Tránsito 5: Meditación e Danza
4.- De cando en vez
5.- Gotas
6.- Intermezzo
7.- 11 contra 7
8.- Con Alma
9.- 11 para Paco
10.- Cuarzo Branco
11.- Chegase fume nos ollos